Protestë kundër dhënies së Çmimit Nobel shkrimtarit Peter HandkeNew Albania

Protestë kundër dhënies së Çmimit Nobel shkrimtarit Peter Handke

Aktualitet, Historia, Kosova, Kulturë 18/01/2020 , by admin Pa Komente

Lidhja e shkrimtarëve dhe krijuesve shqiptarë “Aleksandër Moisiu” në Austri proteston me rastin e ndarjes së Çmimit Nobel për Letërsi nga Akademia Suedeze shkrimtarit Peter Handke.
Arsyeja:
Peter Handke është përkrahësi i fashizmit serb, i cili bëri vrasje masive të popullsisë civile në Kroaci, Bosnje dhe Hercegovinë dhe në Kosovë.
Çdo përkrahje e fashizmit është e dënueshme me ligj dhe sanksionohet në gjyqe ndërkombëtare. Satrapi serb Slobodan Miloseviq, bashkë me qeveritarët e tij, për krimet e kryera u vu para Gjyqit Ndërkombëtar të Drejtësisë në Hagë.
Frymëzuesi i fashizmit, Peter Handke, në fjalimet e tij i dha mbështetje të hapur kriminelëve, u dha forcën shpirtërore të ideologjisë së re fashiste jo vetëm në Serbi, por në gjithë kontinentin. Ky fashizëm, mjerisht, mori bekimin nga Akademia Suedeze, në kundërshtim të parimeve morale e njerëzore të përcaktuara nga themeluesi i tij, Alfred Nobel.
Ne bashkohemi me lotin e pa tharë të nënave, motrave e familjarëve që humbën të afërmit e tyre nga masakruesit serb, miqtë e idealit të “Nobelfashistit” Peter Handke.
E dënojmë ashpër vendimin makaber antinjerëzor e paprecedentë të Akademisë Suedeze dhe kërkojmë revokimin e menjëhershëm të tij.

Vjenë, 29 dhjetor 2019
Hazir Mehmeti, kryetar i
Lidhjes së Shkrimtarëve dhe Krijuesve
Shqiptarë “Aleksandër Moisiu” në Austri

kosova lidhja e shkrimtarëve dhe krijuesve Austri